ວຽກງານຮັບປະກັນ ໃນບັ້ນ ກວດກູ້ ແລະ ທຳລາຍ
ລະເບີດບໍ່ທັນແຕກ ເຮັດສຳເລັດໜ້າທີ່ ດ້ວຍຄວາມຮັບຜິດຊອບສູງ
ກອງທັບປະຊາຊົນລາວ ແລະ ກອງທັບ ສ ຣັດເຊຍ ຮ່ວມມື ກວດກູ້ ແລະ ທຳລາຍ UXO ປະຈຳປີ 2023-2024 ຢູ່ເມືອງ ກາສີ
ສຳລັບໂຄງການຮ່ວມມື ກວດກູ້ ແລະ ທຳລາຍ ລະເບີດທີ່ບໍ່ທັນແຕກ ຢູ່ເມືອງກາສີ ແຂວງວຽງຈັນ ລະຫວ່າງ ກອງທັບປະຊາຊົນລາວ
ແລະ ກອງທັບ ສ ຣັດເຊຍ ປະຈຳສົກປີ 2023-2024 ໄດ້ເລີ່ມຈັດຕັ້ງປະຕິບັດນັບແຕ່ເດືອນ ພະຈິກ 2023 ເປັນຕົ້ນມາ, ມາຮອດປັດຈຸບັນ
ນີ້ ແມ່ນກ້າວເຂົ້າສູ່ເດືອນທີ 4, ເຊິ່ງສັງລວມໄດ້ວ່າ ສອງກຳລັງກວດກູ້ ລາວ-ຣັດເຊຍ ສາມາດກວດກູ້ ແລະ ທຳລາຍລະ ເບີດທີ່ບໍ່ທັນແຕກໄດ້
ເກືອບ 1.000 ໜ່ວຍ ໃນນີ້, ມີບາງສ່ວນກໍໄດ້ທຳລາຍແລ້ວ ເນື່ອງຈາກວ່າເປັນລູກລະເບີດປະເພດທີ່ບໍ່ສາມາດເຄື່ອນຍ້າຍໄດ້, ຕະຫຼອດໄລຍະ
ເວລາ 3 ເດືອນກວ່າ ຜ່ານມາສາມາດປົດປ່ອຍເນື້ອທີ່ດິນໄດ້ ເກືອບ 18 ເຮັກຕາ ຫຼື ເທົ່າກັບ 72% ແລະ ໃນປັດຈຸບັນນີ້ ພວມສືບຕໍ່ກວດກູ້
ຢູ່ສະໜາມທີ 4 ເຊິ່ງຄາດຄະເນວ່າຈະສຳເລັດໃນໄວໆນີ້ . ແນ່ນອນວ່າ ໂຄງການຮ່ວມມືກວດກູ້ ແລະ ທຳ ລາຍລະເບີດບໍ່ທັນແຕກ ມີຫຼາຍ
ພາກສ່ວນຮັບຜິດຊອບ ໂດຍສະເພາະວຽກງານຮັບປະກັນ ເຊິ່ງເຫັນວ່າແຕ່ລະພາກສ່ວນ, ແຕ່ລະຂະແໜງການ ໄດ້ພ້ອມກັນເອົາໃຈໃສ່ໃນການ
ປະຕິບັດໜ້າທີ່ຂອງຕົນ ດ້ວຍຄວາມຮັບຜິດຊອບສູງ, ຮັບປະກັນໄດ້ດ້ານໜ້າທີ່ວິຊາສະເພາະ ຕາມການມອບໝາຍຂອງຂັ້ນເທິງ ເປັນ ຕົ້ນແມ່ນ
ວຽກງານຮັບປະກັນອຸປະໂພກ-ບໍລິໂພກ ຖືວ່າເປັນວຽກງານໜຶ່ງທີ່ສຳຄັນ ເພື່ອຮັບປະກັນໃຫ້ແກ່ຊີວິດການເປັນຢູ່ຂອງພະນັກງານວິຊາການໃຫ້
ກິນອີ່ມນຸ່ງງາມ ໃນນີ້, ໄດ້ເບີກຈ່າຍເຄື່ອງນຸ່ງຕາມລະ ບົບອັດຕາທີ່ຂັ້ນເທິງກຳນົດໃຫ້, ຮັບປະກັນດ້ານການປຸງແຕ່ງອາຫານມື້ລະ 3 ຄາບ; ສ່ວນ
ວຽກງານເຕັກ ນິກ ກໍໄດ້ເປັນເຈົ້າການບົວລະບັດຜັດເຊັດພາຫະນະ, ພ້ອມທັງກວດກາສະພາບເຕັກນິກ ແລະ ສ້ອມ ແປງ, ປ່ຽນຖ່າຍອຸປະກອນ
ທີ່ເປ່ເພ ຮັບປະກັນການໃຊ້ງານໄດ້ປົກກະຕິ; ວຽກງານນ້ຳມັນເຊື້ອໄຟ ໄດ້ຮັບປະກັນການເບີກຈ່າຍນໍ້າມັນເຊື້ອໄຟຕາມງົບປະມານ ແລະ ບົ່ງສັ່ງ
ຈ່າຍຖືກຕ້ອງ, ຄົບຖ້ວນ; ສ່ວນວຽກງານແພດສະໜາມ ໄດ້ເອົາໃຈໃສ່ເບິ່ງແຍງ, ປີ່ນປົວສຸຂະພາບຂອງພະນັກງານວິຊາການ ຢູ່ພາກສະໜາມ ແລະ
ນຳສົ່ງໂຮງໝໍແນວຫຼັງ ໃນກໍລະນີບາດເຈັບໜັກ; ວຽກງານສື່ສານ ໄດ້ເປັນເຈົ້າການໃນການຕິດຕາມ ແລະ ປ່ຽນຖ່າຍອຸປະສອນສື່ສານ ແລະ ອຳ
ນວຍຄວາມສະດວກໃຫ້ແກ່ວຽກງານສື່ສານໃນພາກສະໜາມຕົວຈິງ; ວຽກງານຂົນສົ່ງເປັນອີກໜ່ວຍງານໜຶ່ງທີ່ມີຄວາມສຳຄັນ ເຮັດໜ້າທີ່ໃນການ
ຂົນສົ່ງກຳລັງພົນ, ອຸປະກອນຕ່າງໆເຂົ້າສູ່ສະໜາມ, ມີຄວາມວ່ອງໄວ, ຮັບປະກັນໄດ້ຄວາມປອດໄພ, ດ້ານວຽກງານປ້ອງກັນເວນຍາມ ໄດ້ແບ່ງອອກ
ເປັນ 2 ຈຸປ້ອງກັນ, ໂດຍຈຸທີ 1 ເຮັດໜ້າທີ່ປ້ອງກັນທີ່ຕັ້ງສຳນັກງານ, ສ່ວນຈຸທີ 2 ເຮັດໜ້າທີ່ປ້ອງກັນພາກສະໜາມ, ຕິດຕາມປ້ອງກັນ ວິຊາການ
ຝ່າຍ ຣັດເຊຍ ທັງກາງເວນ ແລະ ກາງຄືນ ສາມາດຮັບປະກັນໄດ້ຄວາມສະຫງົບ, ເປັນລະບຽບຮຽບຮ້ອຍດີ . ໂດຍສັງລວມແລ້ວເຫັນວ່າ ແຕ່ລະ
ພາກສ່ວນ, ແຕ່ລະຂະແໜງການວຽກງານ ແມ່ນສາມາດເຮັດຫຼ້ອນໜ້າທີ່ ຕາມການຈັດຕັ້ງຂັ້ນເທິງໄດ້ມອບໝາຍໃຫ້. ທັງໝົດນີ້ ກໍເພື່ອແນໃສ່ປະ
ກອບສ່ວນເຮັດໃຫ້ບັ້ນກວດກູ້ ແລະ ທຳລາຍ ລະເບີດທີ່ບໍ່ທັນແຕກ ຢູ່ເມືອງກາສີ ແຂວງວຽງຈັນ ບັນລຸຜົນສຳເລັດຕາມເປົ້າໝາຍທີ່ວາງໄວ້.
ແຫຼ່ງທີ່ມາ: ຈິດ ເພັດພູທອງ
ວັນທີ 27/02/2024